Jumat, 26 Mei 2017 - Pukul 03:03

Lagi, Bicara Soal 'Komitmen'
Kang Anton

Lagi, Bicara Soal 'Komitmen'

Rasanya ini momen yang pas untuk berpikir kembali soal 'Komitmen', dengan (jujur) meminjam paparan dari para pemerhati Sumber Daya Manusia (SDM) dan dinamikanya dalam perusahaan. Di…

>> more

inspirasi

Berprestasi Dalam Keterbatasan
OLEH: Apip Samlawi

Berprestasi Dalam Keterbatasan

Ketiadaan, kekurangan atau keprihatinan bukanlah suatu alasan untuk menyerah, berhenti dalam menggapai suatu impian. Tetapi sebaliknya, justru hal itu harus dijadikan dasar utama untuk…

>> more

healthy life

Waspada, 6 Penyakit Ini Sering Muncul Saat Banjir

Waspada, 6 Penyakit Ini Sering Muncul Saat Banjir

Musim hujan memang kerap mendatangkan banjir. Oleh karena itu, masyarakat diimbau tetap waspada terhadap penyakit akibat banjir.

>> more

mail news

Wangkongan Lucu si Kasep, Ngbrolken BPJSTK

Oleh: Warga Cianjur - Minggu 28 Pebruari 2016 | 14:35 WIB

Wangkongan Lucu si Kasep, Ngbrolken BPJSTK

BC/Dok

JURNALISWARGA (BC) - Si Kasep keur anteng maca Koran di tepas hareup. Cai kopi na cangkir kaciri kari saparapatna, goreng Tempe kabeukina minangka lalawuh ngopi nyesa dua tina genep potong nu diasongkeun kugarwana tadi.

 

“Assalaamu’alaikum “ceuk hiji sora.

 

“Wa’alaikum salam Warohmatulloh . aeh geuning Kang Maman, mangga teras kalebet “  Si Kasep ngabageakeun anu anyar datang, Kang Maman tatangga deukeutna, bari terus nilepan Koran, sok ditunda luhureun meja.

 

“Kumaha kang, manawi aya anu tiasa dibantos “ ceuk si Kasep muka lawang.

 

“Numawi akang teh ngahaja nepangan, aya anu bade ditaroskeun “ ceuk kang Maman bari derekdek nyaritakeun yen manehna meunang beja ti Anwar batur sapacabakan nyaeta ngojeg motor, yen ayeuna mah cenah aya BPJSTK anu tukang ojeg oge bisa asup jadi anggahota.

 

“Cik akang hoyong terang , da saur Anwar oge, Asep anu ngawartosan teh “ ceuk Kang Maman daria naker.

 

“Muhun leres pisan kang “ ceuk si Kasep bari dararad mertelakeun yen anu di sebut BPJSTK teh, nyaeta hiji program ti Pamarentah pikeun nyadiakeun perlindungan sosial jeung mere santunan ka para pagawe dimana keuna musibah kacilakaan waktu gawe, jaminan hari tua jeung lamun maot. “ Kapungkur mah disebatna JAMSOSTEK tea “ ceuk si Kasep.

 

“Ari Akang tiasa kenging BPJSTK ? apan akang mah tukang ojeg,  sanes karyawan “ Kang Maman katingali panasaran pisan.

 

“Tiasa , tiasa pisan kang, pokona mah sadaya warga nagara Indonesia anu gaduh damel we tapi statusna sanes karyawan,  sapertos patani, tukang beca, supir , buruh, padamel lepas, tukang tembok, tukang ojeg sareng saneskantena, tah eta teh disebat Bukan Penerima Upah ( BPU ) “ si Kasep ngajelaskeun.

 

“Oh kitu,kalebet akang panginten nya atanapi Bi Supi anu sok ngider icalan rencang sangu. Namung punten akang teh da kedah ‘ bodo alewoh’ , dupi anu dijamin ku BPJSTK teh kalebet naon bae ? “ kang maman kaciri beuki panasaran.

 

“Aya Jaminan Kecelakaan Kerja, anu karaos pisan manfaatna nalika urang kacilakaan dina padamelan, ku BPJSTK dipasihan layanan kasehatan anu luyu sareng kabutuhan, sapertos waragad kanggo Rumah Sakit, kanggo operasi sareng sajabina “ ceuk si Kasep bari ngembohan yen mangfaat sejen tina BPJSTK diantarana Jaminan Hari Tua (JHT).

 

“Upami kang maman ngagaduhan BPJSTK, insya Allah engke nalika kang Maman tos sepuh, tos teu kiat damel, ku BPJSTK dijamin kang Maman angger gaduh panghasilan,disagedengeun saupamina kang maman dipundut ku Anu Kawasa, tos aya Jaminan Kematian anu baris ngurus sagala waragad pamakaman kalebet masihan santunan ka para ahli waris “ si kasep ngembohan. Kang Maman sigana beuki kataji da kaciri terus unggut-unggutan bari panonna ampir teu ngiceup-ngiceup ngabandungan si Kasep.

 

Ku si Kasep oge disebutkeun yen loba kacida mangfaat tina BPJSTK salahsahijina nyaeta ayana Santunan berkala jeung Penggantian Upah sementara salila urang katarajang gering atawa salila dirawat kusabab kacilakaan.

 

“Janten salami urang teu walakaya naha teu damang atanapi ku kacilakaan, tah ku BPJSTK dijamin panghasilanana tetep ngalir katampi ku anggota “ ceuk si Kasep bari negeskeun yen BPJSTK teh salah sahiji program pamarentah keur mere panyalindungan ka para pagawe ti mimiti indit gawe, nalika keur gawe nepika balik deui ka imah, jaminan hari tua, jaminan kamaotan jeung santunan ka ahli waris.

 

“Duh kataji pisan yeuh akang. Kumaha tah Sep, mun daftarna kedah kumaha sareng kedah  kamana ? “ kang maman semu teu sabar.

 

“Gampil kang, kantun sumping we kakantor Cabang BPJSTK Cianjur di Gedong Dekopinda jalan.Slamet Riyadi caket lapang Badak Putih ke oge bakal kenging katerangan anu langkung lengkep“ si Kasep Mungkas wangkongan. (***)

 

 

 

Komentar